ګردېز (پژواک، ۱۸ لړم ۹۹): د پکتیا ولایت د ګردېز ښار اړوند په ترکاڼان سيمه کې د پوليسو پر درېيم ماموريت موټر بريد وشو.
د پکتيا د امنيت آمر سمونوال لطف الله کامران پژواک ته وويل چې د ماموريت پوستې شاوخوا خندقونه دي او کله چې له بمونو ډک موټر له سړک څخه پوستې ته ورتاو شوی، پوليسو ويشتلی او چاودنه يې کړې ده.
کامران وايي چې په چاودنه کې پوليسو ته هېڅ ځاني زيان نه دی اوښتی، خو دا چې ياده سيمه د ګڼې استوګنې ساحه ده، ځايي خلکو ته يې د زياتو مالي زيانونو سربېره ځاني زيان هم اړولی، خو په اړه يې تر اوسه کره معلومات نشته.
نوموړي زياته کړه چې ملکي خلکو ته د اوښتونو زيانونو په اړه بررسي روانه ده.
د روغتون سرچیڼې وایی چې ورته ټپيآڼ نه دی راوړل شوي.
دا د وسله والو طالبانو لخوا په تېره يوه اونۍ کې درېیم موټر بريد دی، چې پر امنيتي پوستو تر سره کيږي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن