ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کابل ښار د لسمې امنيتي حوزې د ټولي امر وژل شوی

12 Dec 2020 - 09:16
12 Dec 2020 - 09:16

کابل (پژواک، ٢٢ لېندۍ ٩٩): د کابل ښار د لسمې امنيتي حوزې امر دويم څارن مسيح الله د عملياتو پر مهال د وسله والو له خوا وژل شوى دى.

د ولسمشر لومړي مرستيال امرالله صالح د لېندۍ په ٢٢مه د خپلې امنيتي ناستې په راپور کې ليکلي چې مسيح الله پرون په کابل ښار کې د مجرمينو پر ضد د عملياتو پر مهال وژل شوى دى.

هغه زياته کړې چې د نوموړي قاتل معلوم شوى، حميد نومېږي، پوليس د هغه پر کور عمليات کړي، خو هغه له سيمې تښتېدلى و.

صالح ويلي چې د قاتل نوم له دې مخکې د کابل ښار د مجرمينو په لېست کې خپور شوى او د نيولو هڅې يې روانې دي.

د ولسمشر لومړي مرستيال له کابل ښاريانو غوښتي چې د مجرمينو په نيولو کې له امنيتي ارګانونو سره مرسته وکړي.

د کورنيو چارو وزارت وياند طارق ارين هم د لسمې حوزې د ټولي د امر وژنه تاييد کړې ده.

Views: 0

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version