کندوز ښار (پژواک، ٧ سلواغه ٩٩): د کندوز د ولایتي شورا مرستیال له خپلو دوو ساتونکو سره یو ځای په ماین چادونه کې ټپي شوی دی.
د کندوز ولایتي شورا رییس محمد یوسف ایوبي نن پژواک ته وویل، دغه چاودنه سهار ۱۰ بجې په کندوز ښار کې د حاجي میري حمام مخې ته شوې ده.
نوموړي زیاته کړه، په دې چاودنه کې د کندوز د ولایتي شورا مرستیال صفي الله امیري او د نوموړي دوه ساتونکي ټپیان شوي دي.
ایوبي زیاته کړه، ماین په یوه بایسکل کې ځای پر ځای شوی و.
بلخوا د کندوز حوزوي روغتون امر ډاکتر نعیم منګل پژواک ته وویل، د ولایتي شورا د مرستیال په ګډون درې ټپیان دغه روغتون ته انتقال شوي دي.
هغه زیاته کړه، د ولایتي شورا مرستیال اوس تر عملیات لاندې دی او روغتیايي وضعیت یې د اندېښنې وړ دی.
بلخوا د کندوز د پولیسو ویاند انعام الدین رحماني یاده پېښه مني خو د مرګ ژوبلې په اړه یې څه نه وايي.
د چاودنې مسوولیت تر اوسه چا نه دی منلی.
Views: 37
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن