ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

“د امریکا حکومت په واشنګټن کې د افغانستان سفارت تړي”

“د امریکا حکومت په واشنګټن کې د افغانستان سفارت تړي”

author avatar
17 Feb 2022 - 23:23
“د امریکا حکومت په واشنګټن کې د افغانستان سفارت تړي”
author avatar
17 Feb 2022 - 23:23

کابل(پژواک, ۲۸سلواغه۱۴۰۰): د امریکا حکومت په واشنګټن کې دافغانستان سفارت له مسوولینو غوښتي چې نور دې یاد سفارت وتړي.

په امریکا کې د افغانستان سفارت یوې باوري سرچینې د نوم نه اخیستو په شرط د سلواغې په ۲۸مه پژواک خبري اژانش ته وویل چې د امریکا حکومت په رسمي توګه په واشنګټن کې د افغانستان له سفیرې عادلې راز څخه غوښتي چې نور دې سفارت وتړي.

سرچینه وایي چې دغه راز سفیرې ته دا هم ویل شوي که هغه غواړي یوازې خپله له سفارت پرته له کور څخه کار کولی شي او دوی چمتو دي چې لګښت یې ورکړي, خو د سرچینې په خبره چې سفیرې عادلې راز په یواځې ځان او هغه هم له کوره کار کول نه دي منلي او دا یې غوره ګڼلې چې د سفیرې توګه له دندې استعفی وکړي.

سرچینه وایي چې سفیرې عادلې راز د امریکا له حکومته غوښتي چې پر سفارت دې د افغانستان بیرغ پرخپل ځای پریږدي چې دا غوښتنه یې منل شوې خو بله غوښتنه یې چې په امریکا کې دې د مېشتو افغانانو د کارونو د خلاصون په موخه یوه کونسلګري پرانیستې پرېښودل شي, نه ده منل شوې.

سرچینه وایي چې د سفارت او کارمندانو اکونټونه یې مخکې تړل شوي او دوی د برېښنا, اوبو او ځینو نورو لګښتونو پوروړي دي او که د امریکا حکومت یې حسابونه نه خلاصوي نو باید ددغو لګښتونو د ورکړې په موخه نغدې پیسې ور کړي ترڅو د سفارت پورونه خلاص کړي.

پژواک ددغې موضوع په اړه د امریکا د حکومت او د افغانستان سفارت ترمنځ هغه متنونه هم ترلاسه کړي چې د دواړو اړخونو ترمنځ تبادله شوي دي.

دا په داسې حال ده چې له دې مخکې په ملګرو ملتونو کې د افغانستان د استازي د ګومارنې په اړه هم ناندرۍ راپورته شوي او هلته د افغانستان څوکۍ په لانجمنه موضوع بدله شوې ده.

Views: 359

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.