ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ملګرو ملتونو په افغانستان کې د نجونو او هلکانو ښوونځیو پرانیستل کېدو هرکلی کړی

18 Mar 2022 - 16:39
18 Mar 2022 - 16:39

کابل (پژواک، ۲۷ کب ۱۴۰۰): د پوهنې وزارت له خوا د ښوونځیو پرانیستل کېدو له اعلان وروسته د ملګرو ملتونو سازمان سرمنشي انتوني ګوتریش د دې پرېکړې هرکلی کړی او غوښتي دي چې په افغانستان کې دې د ټولو نجونو او هلکانو پر مخ ښوونخي پرانیستل شي.

مخکې له دې د کب په ۲۳مه د پوهنې وزارت پژواک خبري اژانس ته تایید کړې وه چې د وري په درېیمه د ښوونیز کال په پیلېدو سره به د سړو سیمو ټول ښوونځي پرانیستل شي.

په همدې حال کې د پوهنې وزارت ویاند عزیز احمد رایان پرون (د کب ۲۶مه) رویټرز خبري اژانس ته ویلي وو چې نجونو زده کوونکو ته به له هلکانو بېل ښځې ښوونکې تدریس کوي.

د رایان په خبره، په هغو کلیوالي سیمو کې چې ښځې ښوونکې کمې دي، نجونو ته به لوړ عمر لرونکي نارینه ښوونکي تدریس کوي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version