کابل (پژواک، ۳۰ وری ۱۴۰۱): ځينې افغان سیاستوال، د کابل نننۍ چاودنې غندي، جنایت یې بولي او دا ډول بریدونه د افغانستان د سولې او ثبات د دښمنانو کار بولي.
نن د کابل ښار د اتلسمې امنيتي حوزې اړوند د عبدالرحیم شهید د لېسې او ممتاز ښوونیز مرکز مخې ته درې چاودنې وشوې.
د کابل امنيه قوماندانۍ وویل، لومړني معلومات ښیي چې په دغو چاودنو کې شپږ کسان وژل شوي او ۱۱ نور ټپیان دي. خو وروسته د عامې روغتیا وزارت وویل چې له دغو چاودنو د کابل روغتونونو ته پنځه مړي او شل ټپیان وروړل شوي. د عیني شاهدانو په وینا، د چاودنو له وژل شویو او ټپیانو ډېر زده کوونکي دي.
د افغانستان پخواني ولسمشر حامد کرزي دغه چادونې غندلي او وايي: «دغه بشري ضد جنایت د افغانستان د سولې او ثبات د دښمنانو له لوری شوی، دا له پوهې او تعليم سره ښکاره دښمني ده.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن