کابل (پژواک، ۲۴ غبرګولی ۱۴۰۱) : د فوټبال د اسیایي جام غوراوي سیالیو کې د افغانستان او کمبوډیا ترمنځ لوبه دوه په دوه ګولونو مساوي پای ته ورسیده.
دا لوبه پرون ناوخته د هندوستان په کوربه توب په کلکتې ښار کې ترسره شوه.
د افغانستان فوټبال فدراسیون وایي چې د لوبې تر نیمایي وقفې پورې افغانستان دوه او کمبوډیا یو ګول وهلی و او افغانستان مخکې و.
خو د لوبې تر نیمایي وقفې وروسته افغانستان ګول ونه شو وهلی او کمبوډیا وکولی شو، چې یو بل ګول ووهي او لوبه مساوي پای ته ورسوی.
د افغانستان له لوري مصطفی ځاځي او فیصل شایسته ګولونه ووهل.
تر دې مخکې هانګ کانګ او هندوستان هم افغانستان ته ماتې ورکړې وه.
Views: 31
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن