کابل (پژواک، ۱۴ زمری ۱۴۰۱): د کابل امنيه قومانداني وايي، د کابل ښار شپږمې حوزې اړوند د سرکارېز سیمه کې چاودنې دوه عام وګړي ووژل او درې نور يې ټپيان کړل.
دغه چاودنه نن غرمه مهال شوې ده.
د کابل د امنيه قوماندانۍ وياند خالد ځدران پژواک خبري اژانس ته وويل چې د کابل ښار شپږمې حوزې اړوند د سرکارېز سیمې په یو کوڅه کې - چې عام خلک پرې تګ او راتګ کوي - په يوه کراچۍ کې ځای پر ځای شويو چاودېدونکو توکيو چاودنه وکړه.
هغه وايي:" د لومړنیو معلوماتو له مخې زموږ دوه هېوادوال شهیدان شوي، همداشان درې نور ټپیان شوي دي."
ده وويل چې امنيتي ځواکونو د عاملينو د نيولو هڅې پيل کړي دي.
د چاودنې ځای ته د څېرمه سيمې اوسېدونکی نورالله وايي، چې مازيګر مهال يې د چاودنې غږ واورېد او تر چاودنې وروسته يې د ډزو غږونه هم واورېدل، خو له څو دقيقو وروسته ډزې ودرېدې.
هغه وايي چې په دې اړه نور معلومات نه لري.
دا په داسې حال کې ده چې د کابل امنيه قوماندانۍ د روانې زمري مياشتې په ۱۱مه غرمه مهال وویل چې د کابل ښار د درېیمې حوزې اړوند په «کارتې سخي ټاور» کې امنیتي ځواکونو چاڼيز عملیات لرل، خو له یوه کور نه پرې ډزې وشوې او امنيتي ځواکونو دغه کور کلابند کړ.
چارواکيو د همدې ورځ په ماښام وويل، ياده سيمه کې
You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن