کابل (پژواک، ۳ مرغومی ۱۴۰۱): د افغانستان لپاره د روسیې ځانګړي استازي ضمیر کابلوف ویلي که د افغانستان سرپرست حکومت وغواړي، مسکو او هند کولی شي چې د افغانانو ترمنځ خبرو پیلولو کې همکاري وکړي.
د افغانستان لپاره د روسیې ځانګړي استازي ضمیر کابلوف ویلي، که د افغانستان سرپرست حکومت غوښتنه وکړي، مسکو چمتو دی چې د هند په همکارۍ بینالافغاني خبرو ته زمینه برابره کړي.
کابلوف له هندو ورځپانې سره په خبرو کې چې پرون (جمعه، د مرغومي ۲مه) خپره شوې ویلي چې د ترهګرۍ پر وړاندې د افغانستان اوسني حکومت اقدامات کافي نه دي او ټینګار یې کړی، که د افغانستان سرپرست حکومت وغواړي، د سیمې هېوادونه چمتو دي چې د امنیتي ګواښونو پر وړاندې له دوی سره همکاري وکړي.
دغه راز د افغانستان لپاره د روسیې ځانګړي استازي ویلي، د کابل غوښتنو ته پام مسکو هر ډول همکاریو ته چمتو دی.
د یادونې ده، روسیه د هغو هېوادونو له ډلې ده چې له سرپرست حکومت سره تعامل لري او د افغانستان په اړه یې د ډېرو ناستو کوربهتوب کړی خو دغه هېواد هم د نړۍ نورو هېواړونو په څېر تر اوسه د افغانستان اوسنی حکومت پر رسمیت نه دی پېژندلی.
له ډېرو هڅو سره سره و نه توانېدو د افغانستان لپاره د روسیې ځانګړي استازي خبرو په اړه د افغانستان د حکومت نظر ولرو.
Views: 35
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن