تالقان (پژواک، ۲۳ وږی ۱۴۰۲): د تخار د ټولګټو ریاست مسوولین وايي، د تخار – بدخشان لویې لارې چې ۵۸ کیلومتره اوږدوالی لري، د بیارغولو چارې پیل شوې.
د تخار د ټولګټو چارو رییس مولوي امیرخان حذیفه وویل، د یاد سړک بیارغونه کې داغګیري، د استنادي دېوالونو، سټنډرډ واش، د شاخانه درې سیمه کې د ویجاړ شوي پل او جالۍ لرونکو دېوالونو جوړول شامل دي، له تالقان ښاره پيل او د بدخشان په کشم ولسوالۍ کې پای ته رسېږي.
د هغه په خبره، ټاکل شوې د یادې ۵۸ کیلومتره لارې بیارغولو چارې به د ۱۵ میلیون افغانیو په لګښت په درېیو میاشتو کې بشپړې شي.
ورته مهال، ځیني موټرچلوونکي د دې پروژې پيلېدو هرکلی کوي او وايي چې د لارې خرابوالي له امله له ډېرو کلونو راهیسې له ستونزو سره مخ دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن