کندهار (پژواک، ۲ لړم ۱۴۰۲): د کندهار د سوداګرۍ خونې مسوولین وايي، له دغه ولایته د انګورو صادرات پای ته رسېدلي چې سږ کال د تېر کال په نسبت دوه برابره ډېر وو.
د کندهار د سوداګرۍ او پانګونې خونې مسوولین وایي، سږ کال له کندهاره هند او پاکستان ته د ۱۵ میلیونه او ۴۶ زره ډالرو په ارزښت ۲۸ زره ۳۴۳ ټنه انګور صادر شوي دي.
د سوداګرۍ او پانګونې خونې مرستیال انجنیر عبدالباقي بینا پژواک خبري اژانس ته وویل، که څه هم په بهر کې د انګورو تقاضا ډېره نه وه، خو سږ کال یې صادرات د تېر کال په پرتله نږدې دوه برابره ډېر وو.
هغه زیاته کړه: «سږ کال له کندهاره ۲۸ زره ۳۴۳ ټنه انګور صادر شوي چې مجموعي ارزښت یې ۱۵ میلیونه ۴۶ زره ډالر دی، خو تېر کال بیا د ۸ میلیونه ۹۹ زره ۴۶۰ ډالرو په ارزښت ۱۵۲۸۰ ټنه انګور صادر شوي وو.»
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن