سرپل (پژواک١٤تله٩١): د سرپل ولايت چارواکي وايي، چې ددغه ولايت په سوزمه قلعه ولسوالۍ کې يو پخوانى سيمه ييز قوماندان وژل شوى دى.
د سرپل د امنيه قوماندانۍ سرپرست سمونوال جهانګيرکرامت د تلې په ١٤مه پژواک خبري اژانس ته وويل، چې د رحيم الله په نوم يوتن سيمه ييز قوماندان د خپلو جنګياليو لخوا تېره شپه د يوه کمين په ترڅ کې سهوا وژل شوى دى.
کرامت زياته کړه ، چې د قوماندان رحيم الله وسلوال د يادې ولسوالۍ د برقوت په کلي کې طالبانو ته په کمين کې ناست وو، چې په دې وخت کې رحيم الله پرموټر سايکل سپور له دغه ځايه تېريده،چې خپلو ملګرو يې د طالبانو په شک پرې ډزې کړي او هغه يې وژلى دى.
د امنيه قوماندانۍ سرپرست وايي:((په دغه سيمه کې د سيمې خلک پخپلو وسلو امنيت ساتي محلي او ملي پوليس نشته.))
نوموړي زياته کړه، سيمې ته يې يو پلاوى استولى او د دغې پيښې په تړاو دوه تنه نيول شوي دي.
د نورالله په نوم د سيمې يوتن اوسيدونکي پژواک ته وويل، چې د رحيم الله قاتلانو پخپله ځانونه پوليسو ته سپارلي دي.
رحيم الله يو پخوانى جهادي قوماندان و، چې اوسمهال يې په سيمه کې ديوه قومي مشر په توګه د وسلوالو طالبانو پرخلاف مبارزه کوله .
سرچينه وايي، چې د سوزمه قلعه ولسوالۍ اړوند د برقوت کلى له ناامنه سيمو څخه ګڼل کيږي.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن