ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پنځه پوليس ټپيان شول

2 Apr 2013 - 13:57
2 Apr 2013 - 13:57

کابل (پژواک ١٣ورى ٩٢): د ميدان وردګو په دايميرداد ولسوالۍ کې د دولت له وسله والو مخالفينو سره په نښته کې پنځه پوليس ټپيان شول.

د ميدان وردګو د والي وياند عطاالله خوګياڼي د وري په ١٣مه پژواک اژانس ته وويل، چې دغه پېښه تېره شپه رامنځته شوې ده.

هغه زياته کړه، چې د پوليسو او وسله والو طالبانو په ياده مخامخ نښته کې پنځه پوليس ټپيان شوي او روغتيايي حالت يې د ډاډ وړ وښود.

دى وايي، چې په دې نښته کې وسله والو طالبانو ته هم مرګ ژوبله اوښتې، خو دقيقه شمېره يې نه ده معلومه .

د خوګياڼي په خبره، چې د پېښې پر مهال د پوليسو يو رينجر موټر هم زيانمن شوى دى.

که څه هم چې د دې پېښې په اړه وسله والو طالبانو تر اوسه څه نه دي ويلي، خو ادعا يې کړې، چې د دغه ولايت په سيداباد ولسوالۍ کې يې تېر مازيګر مهال د عامه نظم اوه پوليس وژلي او دوه رينجر موټر يې ويجاړ کړي دي.

 خو د والي وياند د طالبانو دغه ادعا بې اساسه وبلله .

دايميرداد د ميدان وردګو د مرکز سوېل لوېديځ لور ته لرې پرته ولسوالۍ ده .

Views: 0

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.
Exit mobile version