کابل (پژواک، ۲ لېندۍ ۹۹): د کابل پولیس وایي چې په دغه ښار کې د دوو چسپکي ماینونو چاودنو له امله یو کس ټپي شوی دی.
د کابل د امنیې قوماندانۍ ویاند فردوس فرامرز پژواک خبري اژانس ته وویل، په لومړۍ چاودنه کې چې نن سهار شاوخوا شپږ بجې وشوه، یو ټکسي موټر د چسپکي ماین هدف وګرځول شو چې په نتیجه کې یې د دغه موټر چلوونکی ټپي او روغتون ته وړل شوی دی.
نوموړی وایي چې موضوع د ګډ امنیتي ټېم تر څېړنو لاندې ده.
هغه زیاته کړه چې دویمه پېښه نن سهار شاوخوا اووه نیمې بجې د لسمې ناحیې اړوند په قلعه چمن سیمه کې رامنځته شوې ده.
د سرچینې د معلوماتو له مخې، په دې چاودنه کې پر رينجر موټر چسپکي ماین چاودنه کړې خو مرګ ژوبله نه لري.
د دغو پېښو مسوولیت تر اوسه چا پرغاړه نه دی اخیستی.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن