جلال اباد (پژواک، ١٧ سلواغه ٩٩) : د کابل – جلال اباد پر لويه لاره يو کرولا موټر سيند ته لوېدلى چې له امله يې څلور کسان مړه شوي دي.
د لغمان د والي وياند اسدالله دولتزي د سلواغې په ١٧مه، پژواک اژانس ته وويل چې دا پېښه نن سهار
اته نیمې بجې د کابل _ جلال اباد پر لویه لاره د لغمان ولايت د قرغیو ولسوالۍ اړوند اوریاخېلو پمپ سیمه کې رامنځته شوې ده.
هغه زياته کړه، يو کرولا موټر چې له کابل څخه جلال اباد ته روان و، سيند ته لوېدلى چې له امله يې څلور کسان مړه او يوتن په ټپي حالت کې له سيند څخه را ايستل شوى دى.
دى وايي چې ټپي روغتون ته لېږدول شوى او د نورو جسدونو د ايستلو هڅې روانې دي.
د دولتزي په وينا، پېښه د موټر چلوونکي د بې احتياطۍ له امله رامنځته شوې ده.
Views: 225
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن