ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

خليلزاد پر سياسي هوکړې او دايمي اوربند ټينګار وکړ

خليلزاد پر سياسي هوکړې او دايمي اوربند ټينګار وکړ

author avatar
11 May 2021 - 11:02
خليلزاد پر سياسي هوکړې او دايمي اوربند ټينګار وکړ
author avatar
11 May 2021 - 11:02

کابل (پژواک، ٢١ غويى ١٤٠٠) : د ا فغان سولې لپاره د امريکا ځانګړي استازي زلمي خليلزاد د افغان حکومت او طالبانو له خوا د اوربند د هرکلي ترڅنګ پر دايمي اوربند ټينګار کړى دى.

خليلزاد دغه څرګندونې وروسته له هغه کړې دي چې طالبانو او افغان حکومت د نېکمرغه کوچني اختر په لومړيو درېيو ورځو کې د اوربند اعلان وکړ.

هغه د دغه اوربند د هرکلي ترڅنګ ويلي چې په دې وروستيو کې په افغانستان کې تاوتريخوالى زيات او بيه يې ملکي افغانانو پرې کړې ده.

خو نوموړي په خپل ټويټر کې ليکلي چې افغانان يوې سياسي هوکړې او دايمي اوربند ته سخته اړتيا لري.

خليلزاد ويلي : (( موږ غواړو چې د افغانانو ترمنځ مذاکراتو ته پرمختګ ورکړل شي او دا روانه بې معنى جګړه پاى ته ورسېږي. ))

د امريکا ځانګړي استازي يو ځل بيا د افغانستان پر سولې ټينګار کړى او ويلي یې دي چې افغانان هم همدا غواړي او امريکا يې ملاتړ کوي.

Views: 42

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.