سوله

تېره اونۍ، یو شمېر پخوانیو بریتانوي سرتېرو افغانستان کې پر جنګي جرمونو اعتراف وکړ، افغان چارواکو د کازان ۱۶م نړۍوال اقتصادي فورم کې د ګډون ترڅنګ، تاجیکستان او اوزبېکستان ته سفرونه وکړل او مسکو وویل چې کابل ورته سفیر معرفي کړی او دوی یې پر ارزونه لګیا دي.

تېره اونۍ، اوای‌سي د افغان کډوالو پر جبري ایستلو اندېښنه وښوده، افغان چارواکو وویل چې د افغانستان او روسیې ترمنځ د اقتصادي همکاریو د پراختیا طرحه جوړېږي او یوناما د افغانستان د رسنیو د ملاتړ غوښتنه وکړه.

تېره اونۍ، درېیو هېوادونو له افغانستان سره نږدې ۴.۴ میلیون ډالره مرسته اعلان کړه، افغان چارواکو قطر، ایران او اوزبېکستان ته سفرونه لرل او ملګرو ملتونو د یوې نظرپوښتنې له مخې وویل چې افغانستان کې بېلابېلو برخو ته د ښځو لاسرسی محدود شوی، خو ا.ا دا څرګندونی بې‌بنسټه وبللې.

تېره اونۍ، روسیې د افغانستان استازي ته د کازان په اقتصادي فورم کې د ګډون بلنه ورکړه، قزاقستان د تورغونډۍ – هرات اوسپنې پټلۍ پروژه کې د ۵۰۰ میلیون ډالرو پانګونې خبر ورکړی او کابل وویل چې مسکو ته د سفیر په کچه ډیپلومات معرفي کوي.

تېره اونۍ، روسیې ا.ا د ممنوعه ډلو له نوملړه وایست او په داسې حال کې د اسلام‌اباد پلاوی کابل ته راغی او له کابله یو پلاوی اسلام‌اباد ته ولاړ چې پاکستان په زور د افغان کډوالو ایستل پیل کړي او بېلابېلو لوریو پر دې چاره نیوکې کړې دي.

تېره اونۍ، بريتانیا ویلي‌ چې هڅه کوي افغانستان یو ځل بیا د م.م اجنډا په سر کې ځای ومومي، بېلابېلو سرچینو له پاکستانه وغوښتل چې د افغان کډوالو د ایستلو لړۍ ودروي او دغه راز ا.ا د یوناما د څرګندونو په غبرګون کې ویلي، ځيني استخباراتي سازمانونه د عامه ذهنونو د مغشوشولو هڅه کوي.

تېره اونۍ، د روسیې لویې څارنوالۍ له سترې محکمې وغوښتل چې د «طالبانو» نوم له تور نوملړه لرې کړي، تاشکند د افغانستان د پرمختګ لپاره د ګاونډیو پر همکارۍ ټینګار وکړ او افغان چارواکو وویل چې نړۍ دې له ا.ا سره د مثبتو سیاسي او اقتصادي تعاملاتو لپاره لار هواره کړي.

تېره اونۍ، د کورنیو چارو وزارت سرپرست او نورو امنیتي چارواکو د ا.ا له مشرتابه سره وکتل، امریکا د خلیفه سراج‌الدین حقاني په ګډون ا.ا پر درېیو چارواکو اېښودل شوې جایزې لغوه کړې او بېلابېلو نړۍوالو بنسټو افغانستان کې تر شپږم ټولګي پورته د نجونو زده‌کړو ځنډېدو پر دوام اندېښنه وښوده.  

تېره اونۍ، ځینو نړۍوالو بنسټونو په افغانستان کې د ښځو د حقونو په اړه اندېښنه څرګنده کړه خو اسلامي امارت دا ادعاوې ناسمې وبللې، د یوناما مشرې ویلي، دا په اسلامي امارت پورې اړه لري چې له نړۍوالې ټولنې سره د تعامل پر لور ګامونه اخلي که نه؟ خو کابل ټینګار کړی چې له نړۍوالې ټولنې سره د تعامل په برخه کې یې خپل مسوولیت ادا کړی دی.

تېره اونۍ، بېګم راډیو وتړل شوه، له افغانستانه ازبکستان ته وړل شوې اووه بلک‌هاک چورلکې امریکا ته سپارل شوې، سیګار ادعا وکړه چې په افغانستان کې ځینې بهرنۍ ډلې فعالیت لري، خو ا.ا رد کړه او جنوبي کوریا له افغانستان سره درې میلیون امریکایي ډالر مرسته اعلان کړه.

تیره اونۍ د جرمونو نړۍوالې محکمې یوه څارنوال له دې محکمې د ا.ا مشر او سترې محکمې د رییس د نیولو غوښتنه وکړه، خو ا.ا د یادې محکمې د څارنوال تورونه بې‌بنسټه وبلل او په کلکو ټکو یې وغندل، همداراز یوناما د نجونو پر زده‌کړو د بندیز دوام د اندېښنې وړ وباله، اروپايي ټولنې او ډنمارک له افغانستان سره ۵۸ میلیون ډالر مرسته اعلان کړه.

تېره اونۍ، جو بایډن وویل چې افغانستان امریکا ته ګواښ نه دی، ځینو هېوادونو له ا.ا وغوښتل چې پر ښځو لګول شوي محدودیتونه لرې کړي او ایټاليا، سویس او جاپان له افغانستان سره ۸.۶ میلیون ډالر مرسته اعلان کړه