کابل (پژواک، ۷ کب ۱۴۰۰): د بهرنیو چارو وزارت وایي، د ټولو شته امکاناتو او اړيکو په کارولو سره هڅه کوي چې په اوکراین کې مېشت افغانان او محصلین خوندي ځای ته ولېږدوي.
د روسیې ولسمشر ولادیمیر پوتین وړمه ورځ (پنجشنبې، د کب پنځمه) د اوکراین پر دونباس سیمه د ځانګړو پوځي عملیات امر وکړ؛ دغه برید وړمه ورځ پیل شوی او تر اوسه دوام لري. د دې جګړې پر مهال زیانونه او مرګ ژوبله هم اوښتي دي.
د افغانستان د بهرنیو چارو وزارت په خبرپاڼه کې راغلي، د افغانستان سرپرست حکومت په اوکراين کې د مېشتو افغانانو او محصلينو خونديتوب په اړه اندېښمن دی او د ټولو شته امکاناتو او اړيکو په کارولو سره هڅه کوي چې د خپلو وګړو ژوند خوندي کړي او هغوی یو خوندي ځای ته ولېږدوي.
سرچينې لیکلي، د بهرنيو چارو وزارت د سيمې له ځينو حکومتونو او نړيوالو سازمانونو سره په دې تړاو له نږدې په اړیکه کې دی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن