مهترلام (پژواک، ۵ کب ۱۴۰۱): په لغمان ولایت کې د ۱۲ کیلومتره په اوږدوالي د یوه کانال پاکولو چارې پیل شوې چې په کې ۳۵۰ کسانو ته د کار زمینه هم برابره شوې ده.
د لغمان ولایت د الینګار ولسوال قاري زاهدالله فاتح پژواک خبري اژانس ته وویل چې یاد کانال د دغې ولسوالۍ په خواجهخېلو سفلا او کوڼاخېلو سیمو کې موقعیت لري.
نوموړی وایي، یاد کانال ۱۲ کیلومتره اوږدوالی لري او د پاکولو چارې یې د سرې میاشتې ادارې په مالي مرسته پیل شوې چې په یوه میاشت کې به پای ته ورسېږي.
د هغه د معلوماتو له مخې، د کانال په پاکولو کې هر کارګر ته د ورځې ۵۰۰ افغانۍ مزد ورکول کېږي.
د الینګار د حاجي کلا سیمې اوسېدونکی عبدالوارث هم وایي چې پخوا دغه کانال تخریب شوی و خو اوس خوښ دی چې بېرته پاک کېږي او ورسره خلکو ته د کار زمینه هم برابره شوې ده.
Views: 67
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن