کابل (پژواک، ۲۵ لړم ۱۴۰۲): د اسیا ملتونو او نړۍوال جام سیالیو ته د لارموندنې د دویم پړاو سیالیو په یوه لوبه کې قطر افغانستان ته ماتې ورکړه.
دا لوبه د لړم په ۲۵مه، د شپې ناوخته د قطر په الخلیفه نړۍوال لوبغالي کې ترسره شوه.
د افغانستان فوټبال فدراسیون پر خپله فېسبوکپاڼه کې لیکلي چې په دې لوبه کې قطر افغانستان ته اته پر یوه ګول ماتې ورکړه.
د یادونې ده، په دغه پړاو کې به د افغانستان فوټبال ملي لوبډله خپلې دوه نورې لوبې له کویټ او هند سره ترسره کړي.
د فوټبال ملي لوبډله د ۲۰۲۶ کال نړۍوال جام مقدماتي دویم پړاو او د ۲۰۲۷ کال د اسیایي ملتونو جام سیالیو کې د ګډون په موخه د لړم په ۲۳مه قطر ته تللې ده.
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن