ترينکوټ ( پژواک ٢٧ غبرګولى ٩١ ) : د اروزګان په چنارتو ولسوالۍ کې د ماين ديوې چاودنې له امله درې پوليس ووژل شول.
ددې ولايت د امنيه قوماندانۍ وياند فريد عايل د غبرګولي په ٢٧مه، پژواک خبري اژانس ته وويل ، چې دا چاودنه تېره شپه د چنارتو ولسوالۍ د کورې په سيمه کې دپوليسو پر رېنجر موټر شوې ده.
نوموړي زياته کړه ،چې چاودنه هغه مهال وشوه، کله چې دپوليسو ياد موټر د ولايت له مرکز څخه ديادې ولسوالۍ پر لوري روان و.
د عايل په وينا، په دې چاودنه کې درې پوليس وژل شوي، يو ژوبل شوى او موټر يې هم له منځه تللى دى.
نوموړي زياته کړه، چې ټپي سرتېري روغتون ته لېږدول شوى، خو د هغه د روغتيايي حالت په اړه يې معلومات نه درلودل.
طالب وياند قاري يوسف احمدي ددې چاودنې مسووليت پر غاړه اخيستى او ادعا کوي، چې ديوه قوماندان په ګډون اته پوليس پکې وژل شوي دي.
چنار تو د ولايت مرکز ترينکوټ سوېل ختيځ ته پرته نږدې ارامه ولسوالي ده.
Views: 1
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن