محمودراقي (پژواک، ٢٩ سلواغه ٩٥): د کاپيسا ولايت په صياد بازار کې د چاودنې له امله درې عام وګړي ټپيان شول.
دغه پېښه نن له غرمې مخکې په صياد بازار کې له يوې امنيتي پوستې سره نږدې رامنځته شوه .
د کاپيسا ولايت د امنيه قوماندانۍ وياند محمد ايوب يوسفزي پژواک اژانس ته وويل چې ناپېژانده کسانو په يوه بايسکل کې چاودېدونکي توکي ځاى پرځاى کړي او چاودنه يې ورکړې ده.
د ده په خبره، په دې چاودنه کې درې عام وګړي ټپيان شوي چې د کاپيسا ملکي روغتون ته لېږدول شوي دي.
د صياد بازار يوتن هټۍ وال غوث الدين پژواک ته وويل چې د ټپيانو د شمېر په اړه کره معلومات نه لري، خو کېداى شي چې شمېر يې تر درې تنو زيات وي، ځکه چاودنه د بازار په ګڼه ګوڼه سيمه کې د کابل –کاپيسا لويې لارې ته نږدې شوې .
ترواسه ددغې چاودنې مسووليت کومې ډلې نه دى منلى.
login or register a new account.
