<p>کابل(پژواک، ۲ چنګاښ ۹۹): د ولسی جرګی یو شمېر غړو یوې غونډه کی چې امنیتي چارواکيور بلل شوي وو، د هېواد امنیتي وضعیت خورا اندېښمن وباله، خو ناسته د یادو چارواکو د خبرو لپاره سري ترسره شوه.</p>
<p>د رییسانو کمېتی د پرېکړې پر اساس د ولسي جرګېپه نننۍ استجوابیه ناسته کې د ملی دفاع وزارت سرپرست اسدالله خالد، د کورنیو چارو وزارت سرپرست مسعود اندرابي او د ملي امنیت عمومي رییس احمدضیا سراج یېد هدفي وژنو د زیاتوالي، د دولت مخالف وسله والو ډلو بریدونو او امنیتي وضعیت په اړه د ځواب ورکولو لپاره بللي وو.</p>
<p>د ولسي جرگې د کورني امنیت کمېسیون مشر خان اغا رضایي وویل، د هېواد امنیتي وضعیت د اندېښنی وړ دی او ورځ تر بلې خرابېږي.</p>
<p>هغه وایي چې د علماوو، قومي مشرانو او د امنیتي او دفاعيځواکونو وژنې اخري حد ته رسېدلې او هېڅوک ځان په مرکز او ولایتونو که د خوندیتوب احساس نه کوي.</p>
<p>هغه زیاته کړه:«همدا اوس د هېواد په لویو لارو کې مخالفینو پوستې جوړې کړې او ګمرکونه لري او پر یادو لویو لارو له تېرېدونکو موټرو پیسې اخلي.»</p>
<p>ددې جرګې د شکایتونو کمېسیون مرستیال عبدالخالق وویل، نا امني د مزارشریف ښار کمربند ته رسېدلې او هره ورځ ددغه ولایت اوسېدونکي د خپلو عزیزانو د له لاسه ورکول شاهدان وي.</p>
<p>هغه همدا شان وویل چې مخالفین په ازاد ډول لویو لارو ته راوځي او له مسافر وړونکو او بار وړونکو موټروتېرېږي پیسې اخلي.</p>
<p>په دې جرګهکې د پکتیکا د خلکو استازي خالد اسد هم وویل چې همدا اوس مخالفینو د کابل-کندهار پر لویه لار په څو برخو کې پوستې جوړې کړې او له موټرو پیسې اخلې.</p>
<p>هغه زیاته کړه، نه یوازېپه ولایتونو، بلکې په کابل کې هم خلک ځان خوندي نه ګڼي او هره ورځ د ماین چاودنو ښکار کېږي.</p>
<p>په ولسی جرګه کې د کابل ولایت د خلکو استازي عرفان الله عرفان هم وویل چی هدفي وژنې او د چسپکي ماینونو چاودنېپه کابل ښار کېډېرېشوې او حتی د کابل ښار خوندي سیمه کې هم څوک خوندي نه وي.</p>
<p>دې جرګې یو شمېر نور غړي هم ورته څرګندونې درلودې.</p>
<p>خو اسدالله خالد د ملي دفاع وزارت سرپرست د جرګې له اداري پلاوي وغوښتل:«که غواړئ تاسو ته د امنیتي وضعیت او مسئلو په اړه معلومات درکړو نو ناسته سري کړئ.»</p>
<p>له دې وروسته د ولسي جرگې رییس میر رحمان رحماني د امنیتي چارواکو دغه وړاندیز رایو ته وړاندې کړ او د جرګې د حاضرو غړو په اکثریت رایو سره ناسته سري شوه.</p>
