د ایراني پوځ یوه اف ۱۴ جېټ الوتکه راغورځېدلې ده

<p style="text-align: justify;">کابل (پژواک، ۲۸ غبرګولی ۱۴۰۱): د ایران پوځي چارواکو اعلان کړی چې د دغه هېواد یوه اف ۱۴جنګي الوتکه د تخنیکي عوارضو له امله غورځېدلې ده.</p>

<p style="text-align: justify;">د صدا او سیما خبري اژانس د <a href="https://www.iribnews.ir/fa/news/3480308/%D8%B3%D9%82%D9%88%D8%B7-%D8%AC%D9%86%DA%AF%D9%86%D8%AF%D9%87-%D8%A7%D9%81-%DB%B1%DB%B4-%D8%AF%D8%B1-%D8%A7%D8%B5%D9%81%D9%87%D8%A7%D9%86">راپور </a> له مخې، په اصفهان ښار کې د ایراني پوځ د عمومي اړیکو مسوولینو ویلي چې دغه الوتکه تېره ورځ د یوه ماموریت ترسره کولو پر مهال د تخنیکي ستونزو له امله په یاد ښار کې غورځېدلې ده.</p>

<p style="text-align: justify;">سرچینه لیکي، د یادې الوتکې دوه پیلوټان توانېدلي چې د پراشوټ په وسیله ووځي او اوسمهال د درملنې لپاره د ایران یوه روغتون ته لېږدول شوي.</p>

<p style="text-align: justify;">سرچینې د یادو پیلوټانو روغتیایي وضعیت د ډاډ وړ بللی.</p>

<p style="text-align: justify;">دا په داسې حال کې ده چې له دې وړاندې هم د ایراني پوځ یوه اف ۷ جنګي الوتکه په اصفهان ښار کې غورځېدلې وه چې پکې دوه پیلوټان مړه شوي وو.</p>