د لغمان په الینګار کې د یوه کس مړی موندل شوی

<p style="text-align: justify;">مهترلام (پژواک، ۳۰ مرغومی ۱۴۰۱): د لغمان د الینګار ولسوالۍ سیمه‌ییز مسوولین وايي، په دې ولسوالۍ کې د یوه کس مړی موندل شوی چې تر اوسه یې د هویت په اړه معلومات نشته.</p>

<p style="text-align: justify;">د الینګار ولسوال قاري زاهدالله فاتح پژواک خبري اژانس ته وویل، دغه کس- چې په مرمۍ وژل شوی- مړی یې نن سهار د دغې ولسوالۍ په اړونده سیمه کې موندل شوی دی.</p>

<p style="text-align: justify;">نوموړی وايي، تر اوسه د وژل شوي کس څوک نه دي موندل شوي او د هویت په اړه یې معلومات نشته.</p>

<p style="text-align: justify;">هغه زیاتوي، جسد روغتون ته وړل شوی او د پېښې په اړه یې څېړنې پيل شوې دي.</p>

<p style="text-align: justify;">د الینګار ولسوالۍ د «ړین» کلي یوه اوسېدونکي- چې نه یې غوښتل نوم یې یاد شي- پژواک خبري اژانس ته وویل، پېښه د دوی کلي ته څېرمه شوې ده.</p>

<p style="text-align: justify;">سرچینه وايي، د وژل شوي کس مړی د کلي د اوسېدونکو له خوا د سیمې روغتیايي مرکز ته وړل شوی دی.</p>

<p style="text-align: justify;">هغه زیاته کړه، خلکو جسد ته نږدې یو زنځیر او قفل هم لیدلي او داسې ښکاري چې دغه کس له وژلو مخکې ربړول شوی دی.</p>