کابل (پژواک، ۵ چنګاښ ۱۴۰۲): د راپورونو له مخې، د ازادو سیالیو (فري فایټ) افغان لوبغاړي شېرشاه مبارز خپل ترکي سيال ته ماتې ورکړه.
د ازادو سیالیو افغان لوبغاړي شېرشاه مبارز پر خپلې فیسبوکپاڼې د لوبې یوه ویډیو خپره کړې چې په کې خپل ترکي سیال ته ماتې ورکوي.
دغه سیالي تېره شپه د ترکیې په انتالیا ښار کې ترسره شوه.
همدارنګه د ازادو سیالیو بل لوبغاړي بازمحمد مبارز هم په خپله فیسبوکپاڼه کې لیکلي، تېره شپه شیرشاه مبارز خپل ترکي سیال د دغه هېواد په انتالیا ښار کې د سلګونه ترکي نندارچیانو پر وړاندې په لومړي رونډ کې ناکاوټ کړ او ماتې یې ورکړه.
د یادونې ده، د روان کال د تېرې غویي میاشتې په نهمه هم د ازادو سیالیو افغان لوبغاړي عبدالکریم بدخشي په یوه سیالۍ کې خپل ازبکستاني سيال ته ماتې ورکړې وه.
