کابل (پژواک، ۲۵ زمری ۱۴۰۳): د المپیک ملي کمېټه وایي چې په کابل کې د ۲۴ کلپونو د ۹۹ ورزشکارانو ترمنځ د سوکوهنې سیالۍ پیل شوې.
د المپیک ملي کمېټې او د سپورټ عمومي ریاست نن پر خپله اېکسپاڼه لیکلي چې د کابل ښار د درېیم زون د سوکوهنې منتخبې سیالۍ د دغه فدراسیون، د المپیک ملي کمېټې د بدني روزنې او ورزش ریاست په همکارۍ د ۲۴ کلپونو د ۹۹ ورزشکارانو ترمنځ پیل شوې.
سرچینې ویلي چې یادې سیالۍ به درې ورځې دوام ولري.
د المپیک ملي کمېټې ویلي چې یادې سیالۍ له ۴۸ څخه تر ۹۲ کیلوګرامه وزنونو کې ترسره کېږي.
د سرچینې د معلوماتو له مخې، د یادو سیالیو په پای کې به د کابل د درېیم زون لوبډلې لپاره ۲۶ غوره لوبغاړي انتخاب شي.
د یادونې ده، د روانې زمري میاشتې په ۱۵مه هم د کابل ښار د لومړي زون د ۳۲ کلپونو د ۱۱۶ ورزشکارانو ترمنځ د سوکوهنې سیالۍ ترسره شوې وې.
GET IN TOUCH
NEWSLETTER
SUGGEST A STORY
PAJHWOK MOBILE APP