کابل (پژواک، ۱۲ وږی ۱۴۰۳): د کډوالو په چارو کې د ملګرو ملتونو عالي کمېشنري (یواېناېچسيار) وايي چې د یوناما مشرې روزا اوتونبایوا زابل ولایت ته سفر کړی دی.
د کډوالو په چارو کې د ملګرو ملتونو عالي کمېشنري پرون (یکشنبه) پر خپله اېکسپاڼه زابل ته د یوناما د مشرې روزا اوتونبایوا د سفر خبر ورکړی دی.
سرچینې زیاته کړې، اوتونبایوا په زابل کې د کډوالو په چارو کې د ملګرو ملتونو عالي کمېشنرۍ له لوري زیانمنو کورنیو ته د جوړ شوو کورونو او قابلهګۍ له پروژو لیدنه کړې ده.
یاد سازمان اعلان کړی چې زابل ته د اوتونبایوا د سفر اصلي موخه په دغه ولایت کې د میندو او ماشومانو د مړینې لوړې کچې او روغتیایي مسایلو څېړل دي.
دا په داسې حال کې ده چې روزا اوتونبایوا اووه ورځې مخکې کندهار ته په سفر کې د کوکنارو د کښت د بدیل برخه کې د دغه ولایت له چارواکو سره ولیدل او خبرې یې ورسره وکړې.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن