خوست کې ۸۸۰۰ لېتره مایع او ۲۰۰ کیلوګرامه جامد کېمیاوي توکي کشف او ترلاسه شوي

خوست‌ښار (پژواک، ۲۷ لړم ۱۴۰۳): د خوست امنیه قومانداني وایي، د دغه ولايت په ګمرک کې یې ۸۸۰۰ لېتره مایع او ۲۰۰ کيلوګرامه جامد کېمياوي توکي چې د نشه‌یي توکو په جوړېدو کې ترې کار اخیستل کېږي، کشف او ترلاسه کړي دي.

د خوست امنیه قوماندانۍ په خبرپاڼه کې راغلي چې په ترلاسه شوو مایع او جامد کیمیاوي موادو کې اسټيون، ټوليين او کلورایډ شامل دي.

سرچينې لیکلی، له لابراتواري معایناتو وروسته څرګنده شوه چې دغه مواد د نشه‌يي توکو په تېره بیا د شیشې او هیرویینو په پروسس کې کارول کېږي او هڅه کېده چې د هېواد نورو ولايتونو ته ولېږدول شي.