یک تن به اتهام قتل در تخار بازداشت شد

تالقان (پژواک، ۵ حمل ۱۴۰۴): قوماندانی امنیهٔ تخار می‌گوید که یک تن در پیوند به یک قتل در این ولایت بازداشت شده‌است.

ذبیح‌الله حکیمی، سرپرست مطبوعات و روابط عامهٔ قوماندانی امنیهٔ ولایت تخار، می‌گوید که یک باشندهٔ قریهٔ آق مسجد، واقع در مرکز تالقان، شب گذشته از سوی افراد مسلح با شلیک گلولهٔ کلاشینکوف کشته شده است.

به گفتهٔ او، پس از دریافت اطلاع کشفی، نیروهای حوزهٔ دوم امنیتی پولیس تخار به محل رویداد رفته و یک فرد مظنون را در پیوند به این قتل بازداشت کرده‌اند.

او می‌گوید که پروندهٔ این رویداد به مراجع مربوطه سپرده شده و تحقیقات ابتدایی از متهم آغاز شده است