حادثهٔ ترافیکی در شاهراه شبرغان – مزارشریف جان یک تن را گرفت

شبرغان (پژواک، ۱۶ ثور ۱۴۰۴): قوماندانی امنیهٔ جوزجان می‌گوید، در پی یک رویداد ترافیکی در شاهراه شبرغان – مزارشریف یک تن جان‌ باخته‌است.

قاری عبدالستار سعید حلیمی، سخنگوی قوماندانی امنیهٔ جوزجان می‌گوید که این جوان صبح امروز به اثر برخورد با یک موتر نوع کرولا در منطقهٔ «لین گاز» در مسیر شاهراه شبرغان – مزارشریف جان‌ باخته‌است.

به گفتۀ او، این جوان محمدزبیر نام داشت و دانش‌آموز مدرسهٔ قریهٔ «کلته شاخ» ولسوالی آقچه بود.