کابل (پژواک، ۴ ثور ۱۴۰۵): والی بدخشان و دیپلوماتان سفارت تاجیکستان در افغانستان، در دیداری در مقام ولایت بدخشان، روی تقویت روابط تجارتی و اقتصادی، مدیریت بهتر سرحدات، ایجاد بازارهای مشترک مرزی و بررسی راههای بازگشایی قنسولگری تاجیکستان در این ولایت گفتگو کردهاند.
در خبرنامۀ دفتر مطبوعاتی مقام ولایت بدخشان آمدهاست که مولوی محمداسماعیل غزنوی، والی ولایت بدخشان با خورشید آدینهزاده، آتشۀ نظامی، و نظرعلی، سکرتر اول سفارت جمهوری تاجیکستان در افغانستان، در مقام ولایت بدخشان دیدار و گفتگو نمودهاست.
بربنیاد خبرنامه، در این دیدار که به هماهنگی ریاست خارجۀ بدخشان صورت گرفته بود، روی موضوعات مهم و اساسی دوجانبه، بهویژه چگونگی تقویت روابط تجارتی و اقتصادی میان دو کشور، تحکیم و مدیریت بهتر سرحدات، ایجاد و تقویت بازارهای مشترک در مناطق سرحدی میان افغانستان و تاجیکستان و نیز بررسی راههای بازگشایی قنسولگری تاجیکستان در ولایت بدخشان بحثهای همهجانبه صورت گرفتهاست.
همچنان، دفتر مطبوعاتی مقام ولایت بدخشان مینویسد که جانبین بر گسترش همکاریها در بخشهای مختلف از جمله تسهیل رفتوآمد قانونی، افزایش سطح تبادلات تجارتی، ایجاد فرصتهای جدید سرمایهگذاری، و همکاریهای دوامدار در راستای تأمین ثبات و رفاه مردم دو کشور تأکید نمودهاند.
مقامهای هر دو جانب، چنین دیدارها را در تقویت روابط دوستانه و حسن همجواری میان افغانستان و جمهوری تاجیکستان مهم و مؤثر دانسته و بر تداوم اینگونه نشستها تأکید کردهاند.
