کابل (پژواک، ۲۰ ثور ۱۴۰۵): هیأت عالی‌رتبۀ دولتی و سکتور خصوصی جمهوری قره‌قالپاقستان اوزبیکستان به‌منظور اشتراک در کنفرانس تواصل تجارتی، برگزاری نشست‌های اقتصادی و افتتاح نمایشگاه محصولات اوزبیکستان، وارد ولایت بلخ شد.
وزارت صنعت و تجارت با نشر اعلامیه‌ای گفته است که هیئت عالی‌رتبه دولتی و سکتورخصوصی جمهوری قره‌قالپاقستان اوزبیکستان به رهبری امان‌بای اورین‌بایف، رئیس مجلس عالی قره‌قلپاقستان و مولوی شهاب‌الدین ثاقب، معین امور مالی و اداری وزارت صنعت و تجارت امارت اسلامی افغانستان به ولایت بلخ سفر نمودند.
هدف از سفر هیأت عالی‌رتبۀ جمهوری اوزبیکستان و معین وزارت صنعت و تجارت به ولایت بلخ؛ برگزاری کنفرانس تواصل تجارتی و نشست‌های تجاری میان اعضای سکتور خصوصی جمهوری قره‌قالپاقستان و این ولایت و افتتاح نمایشگاه محصولات و تولیدات داخلی جمهوری اوزبیکستان در شهر مزارشریف می‌باشد.
