کابل (پژواک، ٨ سلواغه ٩٣): ولسي جرګې د ملي دفاع وزارت کانديد وزير ستر جنرال شېرمحمد کريمي ته د رد رايه ورکړه.
د ولسي جرګې په نننۍ ناسته کې چې ٢٤٣ استازي په کې حاضر وو، ٩٦ موافقې او١١٤ مخالفې رايې وکارول شوې.
همدارنګه د کارول شوو رايو له ډلې ٧ باطلې او ٢٦ سپينې دي.
کريمي له ٢٤ کانديد وزيرانو او د افغانستان بانک او د ملي امنيت د رييسانو په توګه، تېره اوونۍ د حکومت له خوا ولسي جرګې ته ور پېژندل شوي وو.
له دې ډلې يواځې ١٨ نوماندانو او د ملي امنيت کانديد رييس خپل کاري پروګرامونه ولسي جرګې ته وړاندې کړل، خو پاتې نورو نوماند وزيرانو او د افغانستان بانک کانديد رييس د دوګوني تابعيت او ځينو نورو ستونزو له امله رد شول او ولسي جرګې ته د خپلو پروګرامونو وړاندې کولو اجازه ورنه کړل شوه.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن