ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امریکا کې د یوه وسله‌وال په ډزو کې ۲۰ کسانو ته مرګ ژوبله اوښتې

امریکا کې د یوه وسله‌وال په ډزو کې ۲۰ کسانو ته مرګ ژوبله اوښتې

author avatar
22 Jan 2023 - 18:13
امریکا کې د یوه وسله‌وال په ډزو کې ۲۰ کسانو ته مرګ ژوبله اوښتې
author avatar
22 Jan 2023 - 18:13

کابل (پژواک، ۲ سلواغه ۱۴۰۱): د امریکا په کلفورنيا ایالت کې د يوه کس له خوا په ډزو کې لږ تر لږه لس کسان وژل شوي او لس نور ټپيان دي.

دغه مطلب «بي‌بي‌سي» د یاد ایالت د پوليسو په حواله خپور کړی او ليکلي يې دي چې دغه پېښه د کلفورنیا ایالت، د «مونتېري پارک» ښار په یوه نڅاکلب کې دننه شوې ده.

سرچينه کاږي، دا ډزې يوه سړي کړې او بیا د پېښې له ځایه تښتېدلی دی.

مونتېري پارک د لاس انجلس د ختیځ په شاوخوا ۱۳ کیلومترۍ کې پروت دی.

د لاس انجلس د پولیسو یوه مشر اندریو مېیر رسنیو ته ویلي، د یو شمېر ټپیانو روغتیايي وضعیت نازک دی.‌

د بي‌بي‌سي د معلومات پر بنسټ، تر دې پېښې لږ مخکې په مونتېري پارک کې زرګونه کسان د نوي کال په جشن کې د ګډون لپاره راټول شوي وو.‌

په امریکا کې د نوي کال جشن یوه اونۍ دوام کوي او لسګونه زره کسان په کې برخه اخلي.

Views: 134

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.