اټلانټا (پژواک، ۴ تله ۱۴۰۲): د افغانستان د بهرنیو چارو وزارت وایي چې متحده اماراتو ته استول شوی نوی سرپرست سفیر مولوي بدر الدین حقاني دسفارت کارکوونکو ته تر پېژندلو وروسته خپله دنده پیل کړه.
د بهرنیو چارو وزارت ویاند عبدالقهار د تلې په ۴مه، په یوه خبرپاڼه کې ویلي، په متحده عرب اماراتو کې د افغانستان سفارت نوی سرپرست سفیر مولوي بدرالدين حقاني ابوظبي ته ورسيد او نن د يو لړ مراسمو په ترڅ کې د سفارت کارمندانو ته په رسمي ډول ور وپيژندل شو.
هغه زیاته کړ، د افغانستان اسلامي امارت د بهرنيو چارو وزارت د متحده عرب اماراتو له لوري د شارزدافير په توګه د بدر الدين حقاني منل د دواړو هيوادنو تر منځ په اړيکو کي مهم پرمختګ بولي چې په ترڅ کې به يې د دواړو هيوادونو تر منځ سياسي، اقتصادي او نوري هر اړخيزي اړيکې لا هم پراخي او په اماراتو کې ميشت سلګونه زرو افغانانو ته د لا ښو خدماتو وړاندي کولو سبب وګرځي.
Views: 380
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن