ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

فُضیل: نه غواړو له هیڅ لوري سره مو اړیکې ترینګلې وي

فُضیل: نه غواړو له هیڅ لوري سره مو اړیکې ترینګلې وي

author avatar
21 Mar 2024 - 11:06
فُضیل: نه غواړو له هیڅ لوري سره مو اړیکې ترینګلې وي
author avatar
21 Mar 2024 - 11:06

کابل (پژواک، ۲ وری ۱۴۰۲): د افغانستان بهرنیو چارو وزارت مرستیال په کابل کې د چین له سفیر سره په لیدنه کې ویلي، ا.ا له سیمې سره په خصوصي او له ټولې نړۍ سره په عمومي ډول د مثبتو اړیکو تګلاره لري او نه غواړي له هيڅ لوري سره یې اړیکې ترینګلې وي.

د بهرنیو چارو وزارت خبرپاڼه کې راغلي چې د یاد وزارت مرستیال مولوي رحمت‌الحق فُضیل په کابل کې د چین له سفیر ژاوشینګ سره ولیدل.

سرچینې زیاته کړې، په دې لیدنه کې د بهرنیو چارو وزارت مرستیال وویل، اسلامي امارت له چین سره اړیکو ته ځانکړی اهمیت ورکوي او غواړي د افغانستان او چین ترمنځ دغه اړیکې لا ډېرې پراخې شي.

نوموړي زیاتوي، د اسلامي امارت تګلاره له سیمې سره په خصوصي او له ټولې نړۍ سره په عمومي ډول د مثبتو اړیکو تګلاره ده او نه غواړي له هیڅ لوري سره یې اړیکې ترینګلې وي.

د هغه په خبره: «د افغانستان د اقتصادمحوره پالیسۍ له مخې، زموږ ګټې دا ایجابوي چې د سیمه‌ییز نښلون او اقتصادي پرمختګ په موخه له سیمې سره مثبتې اړیکې ولرو.»

د سرچینې معلوماتو له مخې، په دې لیدنه کې د چین سفیر وویل، دوی د سیمې امنیت او ثبات د چین په ګډون د ټولو هېوادونو په ګټه بولي او ژمنه یې وکړه چې په دې برخه کې به خپلو هڅو ته دوام ورکوي.

Views: 53

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.