چین

د کرنې، اوبولګولو او مالدارۍ وزارت وایي چې د دغه وزارت مرستیال د کرنې پرمختیا او بې‌وزلۍ کمولو نړۍواله ناسته کې د ګډون په موخه چین ته تللی دی.

کابل کې د چین سفیر د ریاست‌الوزراء له سیاسي مرستیال مولوي عبدالکبیر سره لیدنه کې ویلي، هېواد یې پلان لري چې د تاجکستان له لارې له افغانستان سره نوی اقتصادي دهلیز پرانیزي او راتلونکې ډسمبر میاشت به چین ته د افغانستان پر صادراتو مالیه هم معاف شي.

د چین ولسمشر د روسیې له ولسمشر سره په لیدنه کې ویلي چې دواړو هېوادونو له پېچلو نړۍوالو شرایط سره سره خپلو سوداګریزو او اقتصادي همکاریو ته په بریالۍ توګه پراختیا ورکړې ده.

د کانونو او پټرولیم وزارت وایي، پلاوي یې په چین کې د دغه هېواد له دوو شرکتونو غوښتي څو په افغانستان کې پانګونه وکړي.

د چین بهرنیو چارو وزارت د اسیايي څانګې مشر په دغه هېواد کې له افغان سفیر سره لیدنه کې ویلي، هېواد یې په ۲۰۲۵ کال کې د افغانستان په ګډون د ۴۰ هېوادونو پر صادراتو ګمرکي تعرفې معافوي.

د کانونو او پټرولیم وزارت وایي، د دغه وزارت سرپرست په کابل کې د چین له سفیر سره د دواړو هېوادونو ترمنځ د اقتصادي اړیکو د لا پراختیا، د ګډو همکاریو او د پانګونې د فرصتونو په اړه خبرې کړې دي.

د افغانستان المپیک ملي کمېټه وایي چې د تکواندو ملي لوبډلې دوه لوبغاړي د اسیا د اتلولۍ جام سیالیو کې د ګډون په موخه چین ته لاړل.

په چین کې د افغانستان سفیر د یاد هېواد د بهرنیو چارو وزارت له ځانګړي استازي سره په لیدنه کې د دواړو هېوادونو ترمنځ د سیاسي اړیکو د پراختیا، سوداګریزو، ترانزیټي او قونسلي مسایلو په اړه خبرې کړې دي.

د چین په سوېل‌لوېدیځ کې د سخت ورښت او توپان له امله د ځمک‌ښویېدنې پېښه کې ۱۵ کسان مړه شوي دي.

د افغانستان د صنعت او سوداګرۍ وزارت د افغانستان خصوصي سکټور او د اسلامي امارت د پلاوي په حضور کې د چین د کنمینګ نندارتون له پرانیستلو خبر ورکړی دی.

د راپورونو له مخې، د چین په سوېل‌لوېدیځ کې په یوه هټۍ کې د اورلګېدنې له امله ۱۶ کسان مړه شوي دي.

چین د ۴۰ میلیون یوان په ارزښت د افغانستان د کډوالو او راستنېدونکو چارو وزارت ته بېلابېل ډول موټر او نور توکي ورکړي او دا د هغې ۱۰۰ میلیون مرستې برخه ده چې ژمنه یې کړې وه.