جلالاباد (پژواک، ۱۳ لړم ۱۴۰۳): ستره محکمه وایي، د ننګرهار ولایت په بهسودو ولسوالۍ کې دوو کسانو ته تعزیزي سزا ورکړل شوه.
د سترې محکمې خبرپاڼه کې راغلي، د ننګرهار د بهسودو ولسوالۍ لومړنۍ محکمې د پرېکړې له مخې، دوو کسانو ته چې پر زنا تورن وو، تعزیري سزا ورکړل شوه.
سرچينې لیکلي، ابتدائيه محکمې د یادو متهمينو له ډلې يوه ښځه پر ۳۵ دُرو تعزیري سزا او يو نارينه پر ۳۹ دُرو تعزیري سزا محکوم کړی و.
خبرپاڼه کې راغلي، یاده پرېکړه د سترې محکمې د عالي مقام له تایيد وروسته پر متهمينو تطبیق شوه.
