د پاکستان له بندخونو ازاد شوي څه باندې ٧٠٠ افغانان هېواد ته راستانه شول

کابل (پژواک) ـ د کډوالو او راستنېدونکو چارو وزارت وايي، روانه اونۍ د پاکستان له بندخونو څه باندې ٧٠٠ افغان کډوال ازاد او  هېواد ته راستانه شوي دي.

د ګډوالو او راستنېدونکو چارو وزارت نن په یوه خبرپاڼه کې ویلي چې روانه اونۍ د پاکستان له بندخونو ٧٠٨ افغان کډوال ازاد او هېواد ته راستانه شول.

سرچینې زیاته کړې چې د یادو کسانو له ډلې ٤٠٥ د سپین‌بولدک او ٣٠٣ نور د تورخم له لارې هېواد ته راستانه شوي دي.

د کډوالو او راستنېدونکو چارو وزارت لیکلي چې خوشي شوي کسان له ثبت او بشري مرستو له ترلاسه کولو وروسته خپلو سیمو ته لېږدول شوي دي.