کابل (پژواک، ۳۰ وری ۱۴۰۳): د افغانستان د جودو فدراسیون وایي چې د جودو دوه ملي لوبغاړي په اسیایي سیالیو کې د کډون په موخه هانګکانګ ته ولاړل.
د افغانستان د جودو فدراسیون رییس ذبیحالله نظري نن پژواک ته وویل چې د جودو دوه ملي لوبغاړي په اسیایي سیالیو کې د ګډون په موخه هانګکانګ ته تللي دي.
هغه زیاته کړه، یادې سیالۍ نن (د اپریل په ۱۸مه) په هانګکانګ کې پیلېږي چې د همدې میاشتې تر ۲۴ پورې به دوام ولري.
نوموړي وویل، په دغو سیالیو کې احمدصمیم فیضزاده په ۸۱ کیلو وزن کې او فیصل جبارخېل د ۹۰ کیلو وزن په درلودو سره ګډون کوي.
نظري وایي، له يادو لوبغاړو سره ابوریحان رادمنش د روزنکي په توګه مل دی.
د افغانستان د جودو فدراسیون د معلوماتو له مخې، په دغو سیالیو کې له ۳۶ هېوادونو څخه ۲۷۲ د جودو لوبغاړي برخه لري.
دا په داسې حال کې ده چې د تېر ۱۴۰۲ کال د غبرګولي په میاشت کې هم د قزاقستان په کوربهتوب د جودو په نړۍوالو سیالیو کې پنځه افغان جودوکارانو ګډون کړى و.
Views: 19
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن