کندهار (پژواک، ۶ غبرګولی ۱۴۰۳) د زابل امنیه قومانداني وايي چې د دغه ولایت شهرصفا ولسوالۍ مربوطاتو کې د کابل – کندهار پر لویه لار ترافیکي پېښې له امله درې کسان مړه او ۱۵ نور ټپيان شوي دي.
د زابل امنيې قوماندانۍ وياند ذبيحالله جوهر پژواک خبري اژانس ته وويل، تېره شپه شاوخوا لس بجې د دغه ولایت د شهرصفا ولسوالۍ د بريام مانده سيمه کې یو ۴۰۴ مسافر وړونکی موټر چپه شوی چې له امله یې د یوې ښځې په ګډون درې کسان مړه او ۱۵ نور ټپيان شوي دي.
هغه زیاته کړه، د پېښې سیمې ته امنیتي کسان رسېدلي او ټپيان پر وخت روغتون ته لېږدول شوي دي.
که څه هم نوموړي د پېښې لامل په ډاګه نه کړ خو ډېر کله دغه ډول پېښې د موټرچلوونکو د بېاحتیاطۍ او د سړکونو خرابوالي له امله کېږي.
Views: 17
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن