کابل (پژواک، ۳ جنګاښ ۱۴۰۳): د افغانستان د بهرنیو چارو وزارت د روسیې د بهرنیو چارو وزیر د هغو څرګندونو هرکلی وکړ چې د افغانستان له حکومت سره یې د لا ډېرو باثباته، دوامداره او حقیقي خبرو اترو ملاتړ کړی.
د ټاس خبري اژانس د راپور له مخې، د روسیې د بهرنیو چارو وزیر سرګي لاوروف وړمه ورځ (جمعه) په یوې خبري ناسته کې ویلي وو چې د ټولیز امنیت تړون سازمان غړي هېوادونه وایي، اړینه ده چې د طالبانو له خوا له جوړ شوي حکومت سره دوامداره خبرې اترې ترسره شي.
د افغانستان د بهرنیو چارو وزارت له لوري نن په خپره شوې خبرپاڼه کې راغلي: «د ا.ا.ا. د بهرنیو چارو وزارت د روسیې فدراسیون د بهرنیو چارو وزیر سرګي لاوروف د هغو څرګندونو هرکلی کوي چې د افغانستان له حکومت سره یې د لا زیات باثباته، دوامداره او حقیقي خبرو اترو ملاتړ کړی دی.»
خبرپاڼه کاږي، اسلامي امارت تل ټینګار کړی چې د یوه مسوول حکومت په توګه چمتو دی چې له ټولو لوریو سره پر مشترکو مسایلو جامع او پایله درلودونکې خبرې اترې ولري.
د خبرپاڼې د معلوماتو له مخې، د افغانستان حکومت د روسیې په ګډون ټولو هېوادونو ته په ډاګه کوي چې په افغانستان کې د «اشغال» له پای سره سم د نا امنۍ عوامل له منځه تللي او ورسره په افغانستان کې د پانګونې او سترو پروژو د پلي کولو زمینه برابره شوې ده.
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن