محمودراقي (پژواک ٢٠ تله ٩٦): د کاپیسا په مرکز او څو ولسواليو کې د څلورنیم میليونو ډالرو په ارزښت د پنځو پروژو کارونه پیل شول.
د کاپيسا د کليو او پراختيا رييس انجنير محمد يونس د دې پروژو په پرانيست غونډه کې وويل، په دغو پروژو کې په کوهبند ولسوالۍ کې د ملنګ خېلو د سرک پخول، د کاپيسا په مرکز محمودراقي کې د سهباز خېلو د سيمې د سرک پخول، په دويم کوهستان کې د يوه سرک پخول، په اول کوهستان کې د عزخېلو د سرک پخول او هم په دې همدې ولسوالۍ کې د اتيا متره پول جوړول شامل دي.
ده زياته کړه، د دې پروژو ټول لګښت څلورنيم ميليونه ډالره کېږي، چې د ځينو پروژو چارې به په روان کال او د څونورو به په راتلونکي کال کې بشپړې شي.
په ولسي جرګه کې د کاپیسا د خلکو استازي اقبال ساپي وویل: «د دې پروژو په پلي کېدو سره به د کاپیسا د زرګونو اوسېدونکو او هغه سیاحانو ستونزې حل شي چې دوی د کاپیسا بېلابېلو سیمو ته د اوړي په موسم کې سفر کوي.»
د ده په وينا، دوى به د دې پروژې د کارونو د کيفيت څارنه هم کوي.
Views: 0
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن