خوست (پژوک، ٢١ وږى ٩٩): په خوست کې د واده پر مراسمو د موټرسايکل بم چاودنه شوې چې په کې۱۲ کسانو ته مرګ ژوبله اوښتې ده.
دغه پېښه تېره شپه لس نيمې بجې د دغه ولايت د مرکز اړوند د کونډيو په ستر کلي کې رامنځته شوې ده.
د خوست د امنيې قوماندانۍ وياند عادل حيدر د وږي په ٢١مه پژواک خبري اژانس ته وويل چاودنه د واده د هغو کډونوالو په منځ کې شوې چې د محلي سندرغاړو کنسرت ته راټول شوي وو.
ده وويل په چاودنه کې څلور کسان وژل شوي او اته نور ټپيان ديچې ټول ملکي خلک دي.
د حيدر په وينا، دغه واده د ملي اردو د يوه چارواکي و چې هغوی ته په کې زيان نه دی رسېدلی.
بل پلو د خوست د ملکي روغتون ريیس ډاکتر سيدانور پژواک اژانس ته وويل چې دوی ته د پېښې له ځايه څلور جسدونه او دوه ټپيان ور وړل شوي دي.
ځينو نورو سرچينو بيا په دې پېښه کې د ١٥ ټپيانو خبر ورکړى دى.
د پېښې مسووليت تردې دمه چا پر غاړه نه دی اخیستی.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن