اسعد اباد (پژواک، ٩ غويى ١٤٠٠): ځايي چارواکي وايي چې په کونړ ولايت کې يو ځانمرګى هدف ته تر رسېدو مخکې وژل شوى دى.
په یاد ولایت کې د سېلاب قول اردو دویمې پلې لوا له خوا د غويي په ٩مه خپره شوې خبرپاڼه کې راغلي چې دا پېښه تېره شپه په اسمار ولسوالۍ کې رامنځته شوې ده.
سرچينې زياته کړې چې تېر ماښام څه کم اته بجې د يوه پلي ځانمرګي چې غوښتل يې د لومړي کنډک د منطقوي ټولي پر پوستې بريد وکړي، هلته له رسېدو مخکې يې واسکټ چاودنه کړې او وژل شوى دى.
په خبرپاڼه کې راغلي چې په دې پېښه کې بل چا ته زيان نه دى اوښتى.
وسله والو مخالفينو تر اوسه په دې اړه څه نه دي ويلي.
Views: 30
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن