د دولتي جایدادونو له کرایې ۲۹۸ میلیون افغانۍ عواید راټول شوي

[restrict paid="true"]

کابل (پژواک، ۸ سلواغه ۱۴۰۱): د افغانستان د مالیې وزارت د دولتي املاکو په عوایدو کې د تېر په پرتله د زیاتوالي خبر ورکړی دی.

د مالیې وزارت نن (د سلواغې ۸مه) په خپل ټویټرپاڼه کې د یوې خبرپاڼې په خپرولو لیکلي: «د دولتي املاکو په عوایدو کې د تېر په پرتله زیاتوالی راغلی دی.»

سرچینه وایي، د مالیې وزارت اړوند د دولتي املاکو ریاست د روان کال په لومړیو ۱۰ میاشتو کې ۲۹۸ میلیون افغانۍ عواید د دولتي جایدادونو له کرایې او اجارې راټول کړي او د هېواد بیت‌المال ته یې سپارلي دي.

د مالیې وزارت د یاد ریاست د عوایدو د زیاتوالي دلیل په عایداتي برخو کې د ژمنو او مسلکي کادرونو ګومارنه، شفافیت، له فساد سره مبارزه او اصلاحات بللي دي.

[/restrict]