بدخشان ولایت کې زلزله شوې

[restrict paid="true"]

فیض اباد (پژواک، ۲۷ سلواغه ۱۴۰۱) : د بدخشان ولایت مرکز فیض اباد ښار او یو شمېر ولسوالیو کې د منځنۍ کچې زلزله شوې، خو تر اوسه د زیانونو په اړه معلومات نه دي ورکړل شوي.

د بدخشان د اطلاعاتو او فرهنګ رییس معز الدین احمدي د سلواغې په ۲۷مه، د شپې ناوخته پژواک اژانس ته وویل چې دا زلزله د شپې په څه کم یوولسو بجو وشوه.

هغه زیاته کړې چې زلزله د ولایت د مرکز فیض اباد ښار په ۲۱ کیلو مترۍ کې د هندوکش په غرونو کې شوې ده.

احمدي وایي چې تر اوسه د زلزلې له امله دا وښتونو زیانونو په اړه معلومات نه دي ورکړل شوي.

بلخوا نړۍوالو سرچینو خبر ورکړی چې د زلزلې شدت د ریختر په کچه ۴،۷ و.

دا په داسې حال کې ده، چې څو ورځې مخکې هم په دې ولایت کې د ۴،۴ درجې زلزله شوې وه، خو زیانونه یې درلود.

[/restrict]