د پاکستان پولې ته نږدې پنځه ایراني سرحدي ساتونکي وژل شوي

[restrict paid="true"]

اټلانټا (پژواک، ۳۱ غویی ۱۴۰۲): ایراني چارواکي وایي، له پاکستان سره سرحد ته نږدې د وسله‌والو په یوه برید کې یې پنځه سرحدي ساتونکي وژل شوي دي.

ایراني رسنیو د غویي په ۳۱مه خبر ورکړی چې دا پېښه د سیستان بلوچستان ایالت په سراوان سیمه کې شوې ده.

سرچینې زیاته کړې، د جیش‌العدل په نوم یوې وسله والې ډلې په برید کې د دوی پنځه سرتېري وژل شوي  او یو بل ټپي شوی دی.

د یادونې ده، د ایران سراوان سیمه د پاکستان بلوچستان ایالت له واشک سیمې سره پولې ته څېرمه موقعیت لري.

د یادونې ده، له دې مخکې هم د جیش‌العدل وسله‌والې ډلې په بریدونو کې د یو شمېر ایراني سرحدي سرتېرو د وژل کېدو راپورونه خپاره شوي دي.

[/restrict]