کابل (پژواک، ۳۱ زمری ۱۴۰۲): د افغانستان او پاکستان کرکټ ملي لوبډلو ترمنځ د درېیو یو ورځنیو نړۍوالو سیالیو لوبلړۍ نن پیلېږي.
دغه لوبې د افغانستان په کوربهتوب په سریلانکا کې کېږي.
د افغانستان کرکټ بورډ پر خپله فېسبوکپاڼه لیکلي: «افغان اتلان به نن د افغانستان پر وخت د ماسپښین دوه بجې د سوپر کولا جام لومړۍ نړۍوالې یو ورځنۍ لوبې په موخه د پاکستان پر وړاندې ډګر ته ښکته شي.»
دغه راز افغان کرکټ ملي لوبډله به د روانې اګسټ میاشتې په ۲۴مه دویمه او په ۲۶مه به بیا له پاکستان سره درېیمه یو ورځنۍ سیالۍ ترسره کړي.
د یادونې ده، د روان ۲۰۲۳ کال په مارچ میاشت کې د افغانستان او پاکستان ترمنځ د شل اوریزو لوبو لوبلړۍ ترسره شوه چې افغان لوبډلې اتلولي ترلاسه کړه.
GET IN TOUCH
NEWSLETTER
SUGGEST A STORY
PAJHWOK MOBILE APP